Sarah Javier sunod- sunod parangal sa ibang bansa 

MATABIL
ni John Fontanilla

EVERYTHING falls into the right place para sa singer-actress na si Sarah Javier. Super blessed ang beauty queen/ actress dahil sunod-sunod ang parangal na tinatanggap nito ngayong 2024.

Isa na ang iginawad sa kanya sa 6th edition ng  Amer-Asia Award na hinirang siyang  Ms. Amer Asia Tourism 2024 na ginanap sa Celebrity Centre Hollywood California,  USA kamakailan.

Wagi rin siya bilang Female Acoustic Artist of the Year sa 15th Star Awards for Music para sa kanyang awiting Happy Anniversary na mula sa kanyang komposisyon.

At sa May 18, gagawaran naman siya sa Amerika Prestige Awards ng Outstanding Singer, Songwriter Actress and Beauty Queen of the Year na gaganapin sa Celebrity Centre International Pavilion Los Angeles, California, USA.

Nakatakda ring i-release ang bago niyang single na siya ang nag-compose, ang Pantay Na Pag-Ibig.

Sa tuloy-tuloy na suwerteng dumarating sa kanya ay buong pusong pasasalamat ang gusto niyang ibigay sa kanyang pamilya, sa mga sumusuporta sa kanya, at sa mga taong tumutulong sa kanyang career, higit sa lahat sa Poong Maykapal na siyang nagbigay sa kanya ng talento.