Mura nasunugan, sa waiting shed ngayon naninirahan

MATABIL
ni John Fontanilla

MASAKLAP ang buhay na tinatahak ngayon ng dating komedyante na si Mura nang masunog ang kanilang tinutuluyang bahay noong Lunes, 9:00 p.m. sa  Brgy. Tupas, Ligao City, Albay.

Kuwento ni Mura (Allan Padua sa totoong buhay) pinauusukan ng ama ang silid pero nadilaan ng apoy ang kurtina na dahilan ng sunog na tumupok sa kanilang bahay.

Wala namang nasaktan sa kanila, pero wala silang naisalba ni isa mang gamit. 

Ngayon ay namamalagi si Mura sa isang  waiting shed malapit sa kanila kasama ang matandang ama at mga pamangkin.

Kaya naman nananawagan ng tulong sa publiko si Mura para mayroon silang maisuot, makain, at muling makapagpatayo ng bahay na

matitirahan.