HATAW! D'yaryo ng Bayan hatawtabloid.com
SUKLAM na suklam ang isang showbiz gay nang matuklasan niya ang isang mapait na katotohanan, na ang pinaniniwalaan niyang isang poging bagets na agad niyang pinag-sanglaan ng kanyang puso at pitaka ay mas bading pa pala kaysa kanya.
Nalaman niya mula sa kanyang mga mapagkakatiwalaang kaibigan na ang bagets pala noong araw pa ay talagang sumasayaw na ng ballet sa ibabaw ng platito at busy sa buwan ng Mayo dahil lumalabas na sagala sa Santacruzan ng mga bading.
Gustong-gusto nga raw niyon na kumuha pa ng poging konsorte at maging Reyna Elena sa mga Santacruzan.
Nalaman ng showbiz gay na butas-butas na pala ang kapa ng bagets sa kalaladlad sa kanilang bayan. Iyon na. Kaya ngayon tumatawag man daw ang bagets, hindi na niya sinasagot ang mga tawag niyon. Natatakot din kasi ang showbiz gay na magkabisa sa kanya ang sumpa at tubuan siya ng buntot ng sirena.
