Ivana Alawi gumastos ng milyones para sa lalaki

MATABIL
ni John Fontanilla

NABIGLA ang publiko nang aminin ni Ivana Alawi sa kanyang pamilya at sa publiko na proud siya na ginastusan niya ng milyon-milyong piso ang isa sa kanyang naging boyfriend.

Naganap ang pag l-amin ni Ivana sa kanyang vlog kasama ang kanyang pamilya habang naglalaro sila ng  “Never Have I Ever” game.

May tanong kay Ivana na, “gumastos ka ba ng malaki para sa isang lalaki?” na tanging si Ivana ang sumagot ng oo na ikinagulat ng kanyang pamilya.

“O ako, nakailang milyon ako! Proud ako,” ani Ivana.

Habang sinabi naman ng ina nito na hinding-hindi siya maglalabas ng pera para sa lalaki.

Hindi naman sinabi ni Ivana kung sino ang masuwerteng lalaki na ginastusan niya ng milyones na siyang inaabangan naman ng netizens.

Kung sabagay, may mga  tao talaga na grabe kung magmahal, kayang ibigay ang lahat para mapasaya lang ang taong minamahal.