HATAW! D'yaryo ng Bayan hatawtabloid.com
HATAWAN
ni Ed de Leon
ABA at tumagal na pala ng 10 taon ang pagsasama nina Ai Ai delas Alas at ng kanyang batam-batang esposo na si Gerald Sibayan. Siguro nga masasabing iyan na ang pinaka-matagal na relasyon ni Ai Ai.
Iyong huli niyang pinakasalan sa US bago si Gerald na akala niya ay totoo nagbugbugan agad sila noon din mismong araw matapos silang ikinasal at makalipas lang ang ilang araw, nakipaghiwalay na si Ai Ai. Ilang buwan lang divorced na agad sila.
Pero itong si Gerald na kung sabihin nila noon ay hindi rin magtatagal dahil halos kasing edad lamang iyon ng anak ni Ai Ai, siya pa ang tumagal. At sinasabi pa nga ni Ai Ai na ang asawa niya ngayon ay isang good provider. Ibig sabihin, hindi umaasa sa kanya sa kabuhayan. Minsan hindi mo masabi talaga kung saan mo matatagpuan ang suwerte.
