HATAW! D'yaryo ng Bayan hatawtabloid.com
REALITY BITES
ni Dominic Rea
TAMEME at tulala ang bashers ni Daniel Padilla nang lumabas ang mga sunod-sunod na contract signing at pagpasok ng bagong endorsement ngaktor.
Simula kasi December ay nag-fiesta ang mga nanlalait kay Daniel sa pag-aakalang after the said break-up with Kathryn Bernardo ay siya ring paglubog ng career ng aktor.
Inakala rin ng karamihan na walang natirang solid fans and followers si Daniel pero nagulat sila nang napakarami pa rin palang nagmamahal sa aktor.
Mag-a-undergo next week para sa isang UFC training si Daniel para sa kanyang paghahandaang teleserye sa bakuran ng ABS-CBN.
Kasunod niyan ay ang isang bonggang concert hindi lang dito sa bansa kundi maging sa abroad.
Samantala, busy naman ang ina ni Daniel na si Karla Estrada sa kanyang commitments para sa Tingog Partylist na kasalukuyan itong nag-iikot sa buong bansa para sa mahahalagang misyon ng partylist.
Hindi rin maikubling super taas ngayon ng ratings ng kanyang daily morning show na Face 2 Face sa TV5.
Ayon kay Queen Mother, sobrang blessed lang niya ganoon din ang kanyang buong pamilya lalo na si Daniel dahil sa kabila ng panlalait at pangda-down sa kanila nitong mga nakaraang buwan ay patuloy pa rin ang pagbuhos ng biyaya.
Walang panahon si Karla na patulan pa ang mga taong pilit silang sinisiraan at pilit pinapalabas na masama.
Ayon kay Karla, nakatuon ang kanyang atensiyon sa patuloy na pag-usad ng buhay at walang panahon sa mga negatibong tao sa mundo.
