Andres ok mag-solo ‘di kailangan ng ka-loveteam

HATAWAN
ni Ed de Leon

WALA ngang masasabing malakas na bala ang Eat Bulaga laban sa sagupaan nilang una ng dating tailend rated na It’s Showtime maliban kay Andres Muhlach. Malaking tulong din naman na naroroon si Andres, dahil hindi naman nabawasan ang ratings ng Eat Bulaga, kagaya rin iyon ng dati. Nakalamang nga lang ang Showtime dahil nalagay sila sa isang estasyong 150-Kw ang transmitting power at naka-simulcast pa sa GTV, Zoe TV, at Kapamilya Channel.

Isipin ninyong bukod sa nasa isang malakas na estasyon nasa tatlong iba pa ang kanilang kalaban. Naka-simulcast din naman ang Eat Bulaga sa RPTV 9, pero hindi pa nakakabangon ang estasyong iyon na bumagsak nang i-sequester ng PCGG ng Cory Government. Kahit na may valid franchise at permit to operate ang estasyon, kinuha ng gobyerno dahil sa bintang na sila ay crony ng dating Pangulong Marcos. Ganoong hindi pa presidente si Marcos, talaga namang mayroong Kanlaon Broadcasting System na siyang may-ari ng Channel 9.

Pero na-sequester nga eh at kagaya ng ibang mga kompanyang na-sequester bumagsak din iyon dahil ang namahala naman ay mga walang kakayahan sa industriya ng broadcasting at wala ring malasakit dahil hindi naman sa kanila ang estasyon. Ang mahalaga kumikita sila.

Hindi natin alam kung guest lang talaga sa Eat Bulaga si Andres o magiging regular na rin siya roon, pero please naman huwag siyang gawing ka-love team ni Ryzza Mae Dizon, hindi nakatatawa iyon.

Pabayaan nilang solo si Andres at tiyak na aangat iyan at makatutulong ng malaki sa kanilang show.