Supremo ng Dance Floor Klinton Start gagradweyt na ng kolehiyo

MATABIL
ni John Fontanilla

EXCITED na sa kanyang nalalapit na pagtatapos sa kolehiyo ang tinaguriang Supremo ng Dance Floor na si Klinton Start  sa kursong  Marketing Management sa Trinity University Of Asia.

After graduation ay mabibigyan na nito ng mas maraming oras ang showbiz career na panandalian niya munang isinantabi dahil nag-focus sa pag-aaral at para maka-graduate sa kolehiyo.

Marami nga itong mga proyektong hindi tinanggap, katulad ng teleserye dahil masasagasaan ang kanyang pag-aaral, pero ngayong malapit nang gumradweyt ay handa na siyang tumanggap ng proyekto.

Tsika nga nito, “Iba po kasi ‘pag nakapagtapos ka ng pag-aaral, mayroon kang fallback kapag ‘di ka sumikat.

“Puwede kang makahanap ng trabaho na in-line sa kursong tinapos mo.

“And ‘yung pagtatapos ko ng pag-aaral  ay regalo ko na rin sa guardian ko, kina Boss  Ann (Malig-Dizon) at Ate Haye Start at sa lahat ng taong nagmamahal sa akin. “

After graduation ay may pelikulang gagawin si Klinton na ibabalita niya sa atin kapag nagsimula na siyang mag-shooting.