Ai Ai ipinagmamalaki pagiging good provider ni Gerald Sibayan  

HATAWAN
ni Ed de Leon

SABI ni Ai Ai delas Alas, sa pagdaraan ng panahon ay masasabi niyang naging good provider ang asawa niyang si Gerald Sibayan. Ewan pero mukhang nagkakasundo naman sila talaga kahit na malaki ang agwat ng kanilang edad. Si Gerald ay kasing edad lamang ng isang anak ni Ai Ai, at noon namang simula, siya talaga ang kumandili kay Gerald. 

Hindi nga ba tumayo pa siyang manager ng team noon sa volleyball sa varsity at maging sa national team? Malaki rin ang naging gastos ni Ai Ai sa kanilang naging relasyon, pero mabuti naman at mabait naman iyong bata. Hindi kagaya ng mga nauna niyang relasyon na sinusuportahan na nga niya, binabanatan pa siya.

Ewan kung ano nga ba ang negosyo ngayon ni Gerad basta sinabi ni Ai Ai na siya ay isang good provider, tama na iyon, ano man ang kanyang ipino-provide.

At least masaya si Ai Ai sa piling niya ng ilang taon na. Iyan din yata ang pinaka- mahabang relasyon ni Aiai kung hindi kami nagkakamali.