HATAW! D'yaryo ng Bayan hatawtabloid.com
ni Allan Sancon
HINDI kaila sa atin ang success at failure ng mga ilang music bands sa ating bansa. Ang iba ay patuloy na tumutugtog at nagbibigay aliw sa kanilang fans at ang iba naman ay nagkawatak-watak na sa mga hindi inaasahang dahilan.
Isa ang Repakol, dating Siakol ang patuloy na nagbibigay saya sa kanilang mga follower sa kabila ng kinahaharap nilang usapin ukol sa kanilang pangalan.
Kung hindi alam ng karamihan, na-divide sa dalawa ang bandang Siakol dahil humiwalay at nagtayo ng sariling banda ang ibang miyembro nila na ginamit pa rin ang pangalang “Siakol” at nanatiling magkasama ang original founding members na sina Noel Palomo at Miniong Cervantes na nagtayo rin naman ng bagong rock band na pinangalanan naman nilang “REPAKOL.”
Si Noel ang vocalist at composer ng mga sikat na awitin ng Siakol tulad ng Bakit Ba? Tropa, Gawing Langit Ang Mundo, Ituloy Mo Lang at marami pang iba.
Dahil sina Noel at Miniong nga ang nagtayo ng Siakol, pilit nilang ipinaglalaban sa korte na maibalik sa kanila ang legal rights ng pangalang “Siakol” at lahat ng legal matters about their names.
Sa kabila ng pinagdaraanan ng bandang Repakol ay patuloy ang kanilang pagpapasaya sa kanilang followers. Kabi-kabila ang kanilang gigs at shows. Magkakaroon pa nga sila ng U.S. Tour, ang REPAKOL Tropa North American Tour, na magsisimula sa April hanggang June 2024.
Patunay lang ito na hindi basta-basta matitibag ang isang grupo kung mayroon silang pagkakaisa at may mabuting hangaring magpasaya sa kanilang followers sa pamamagitan ng kanilang mga pinasikat at makabuluhang kanta.
Para sa updates ng REPAKOL BAND U.S Tour narito ang kanilang mga schedule:
April 20-Rams Head Live; April 26-Manor; April 28-Port ‘N Starboard Ocean Front; Banquet Center; May 11-UR Coliseum; May 18-Buko Resto-Bar; May 24-Patio Theater; at June 15-Fox Theater. Binubuo naman ang grupong Repakol nina Niel Palomo -Song Writer/Composer Siakol/ Repakol/Vocalist; Miniong Cervantes-Lead Guitar; Alvin Palomo-Guitar; Wilbert Jimenez-Guitar, Raz Itum-Bass Guitar, at Zach Alcasid-Drums
