Catriona Gray inspirasyon ng model/ beauty queen Marianne Beatriz Bermundo

MATABIL
ni John Fontanilla

BUKOD sa korononang Little Miss Universe 2021 ay dalawa pang korona ang pinanalunan ni Marianne Beatriz Batalla Bermundo, ang Miss Teen Culture  world International 2023 at Queen Humanity International 2023.

Sa launching ng Aspire Magazine Philippines: The Flight Of The Phoenix last March 15 ay sinabi ni Marianne na si Catriona Gray ang inspirasyon niya sa pagsali sa mga pageant.

Bata pa lang si  Marianne ay napapanood na niya ang laban ni Catriona mula Binibining Pilipinashanggang Ms. World at Ms. Universe 2018 at dito ay mas humanga siya sa husay rumampa at sumagot ng beauty queen.

Katulad nga ni Catriona, sa murang edad ni Marianne ay napakahusay din nitong rumampa at sumagot sa mga katanungan. At kahit tatlong korona na ang napanalunan nito ay pangarap pa rin niyang makasali sa malalaking pageant sa bansa tulad ng Binibining Pilipinas, Ms World Philippines, at Ms Universe Philippines.

Sa ngayon ay nagsisimula nang mag-training si Marianne hangga’t bata pa para sa pagsali niya sa malalaking local pageants ay handang-handa na. Masuwerte si Marianne dahil very supportive ang kanyang mga magulang lalo na ang kanyang inang si Ms. Vergie Batalla Bermundo na siyang lagi nitong kasa- kasama sa laban.

Thankful si Marianne dahil lumabas na at last ang Aspire Magazine Philippines The Flight of the Phoenix na siya ang cover kaya nagpapasalamat siya sa CEO & President nito sa pagkakataong ibinigay sa kanya.