Marian mahalaga pa rin ang kalusugan kaysa materyal na bagay

I-FLEX
ni Jun Nardo

MODELO rin ng kalusugan at wellness ni Marian Rivera bukod sa pagiging GMA Primetime Queen at All Time Boxoffice Queen.

Kaya naman ang pagiging maingat sa kalusugan at pagpapahalaga nito ang dahilan kaya kinuha siyang ambassadress ng Amazing Pure Organic Barley powdered drink ng IAM Worlwide.

Kahit sinasabing na kay Marian na ang lahat, mas mahalaga pa rin sa kanya ang kalusugan kaysa material na bagay na tinatamasa niya at pamilya ngayon.

“Sinubukan ko ang produkto ng isang buwan. Nakatulong sa maayos kong pagtulog at iba pang may kinalaman sa katawan ko.

“Pati pamilya ko, umiinom nito pati nanay at lola ko na may edad na. Puwede ito sa lahat,” sambit ni Yan sa contract signing niya.

Eh dahil may katuwang na si Marian para lalong dumagdag sa maayos niyang kalusugan, muli siyang mapapanood sa TV series na My Guardian Alien na mapapanood sa GMA primetime simula sa April 1.