HATAW! D'yaryo ng Bayan hatawtabloid.com
ISA sa frontliner ng Barangay LSFM 97.1 si Papa JT na napakikinggan sa isa sa number 1 radio program, ang Forever Request, Mon-Wed 6:00 p.m.-9:00 p.m..
Ito rin ang director/ producer ng nangungunang radio program sa bansa, ang Barangay Love Stories. Bukod sa direksiyon na ibinibigay ni Papa JT sa mga premyadong voice actors dito, isa rin siya sa gumaganap sa mga ipinadadalang kuwento ng mga Kabarangay, mga kuwento ng pag-ibig buhay at pag-asa.
Ayon kay Papa JT, “Umiikot ang mundo ko sa Barangay LSFM bilang DJ, pagpapatakbo ng ‘Barangay Love Stories’ at pagboboses sa kdrama, anime at documentary.
“Nagsimula ako sa larangan ng Voice Acting noong 2009 na siyang naging hanap-buhay ko hanggang ngayon.”
Ilan sa KDrama series na nag-boses ito ang katatapos lang umere sa GMA 7 ang Jinxed At First at Mr. Queen sa Korean star na si Na In-woo na parehong bida ang ito.
Bukod sa pagbo-boses sa mga iba’t ibang dubbed program, nagbo-boses din ito sa mga TV at radio commercials at isang Food Vlogger.
Nagsimula siya sa simpleng pakuha-kuha ng random videos sa mga kinakain niya hanggang sa nakahiligan na. Bukod sa pagbibigay ng honest at comprehensive review sa mga pagkain na kanyang natitikman, isa rin sa mga nagustuhan ng followers niya ay ang constructive na pagbibigay niya ng kritisismo.
Bagay na ginagamit naman ng mga may-ari ng mga nakakainan niya para i-improve ang kalidad ng serbisyo at ng pagkain nila.
