Jos Garcia  na-enjoy paglilibot sa iba’t ibang lugar sa ‘Pinas

MATABIL
ni John Fontanilla

BACK to Japan na ang international singer na si Jos Garcia after nitong libutin muli ang buong Pilipinas para sa promotiong ng kanyang ineendosong produkto, ang Cleaning Mama’s ng Natasia.

At kahit ayaw pa sanang bumalik ng Japan, kailangan na talaga dahil sa mga trabahong naiwan niya.

Kuwento nga ng tumatayong manager nito na si Atty. Patrick Famillaran masyadong nag-enjoy si Jos sa paglibot sa iba’t ibang lugar sa bansa.

Bukod sa promotion ng Cleaning Mama’s ay isinabay na rin nito ang promotion ng kanilang song (Hanggang Dulo) ni Nolo Lopez  na nagkaroon pa sila ng very successful concert na ginanap sa Papa Dong’s Resto Bar & Events Place sa QC.

Isa rin ito sa nominado sa Star Awards for Music sa kategoryang Female Pop Artist of the year.