Sarah bumigay kinompirmang single na

I-FLEX
ni Jun Nardo

BUMIGAY na si Sarah Lahbati! Kinompirma na niyang hiwalay na sila ng asawang si Richard Gutierrezsa interview sa kanya ng showbiz reporter na si MJ Felipe.

“Yeah, there’s nothing to hide,” sagot ni Sarah nang tanungin kung single siya ngayon. 

Dagdag pa niya, “And I think it’s pretty clear to the public that both of us are (single)…I think,” dagdag pa ng aktres.

Late last year natsismis na hiwalay na sina Chard at Sarah base sa obserbasyon ng netizens na hindi sila magkasama sa postings sa kanilang social media accounts.

Nagkaroon pa ng parunggitan ang ina ni Richard na si Annabelle Rama at mother ni Sarah na si Ester Lahbati sa socmed bilang depensahan ang mga anak.

Ngayong si Sarah na ang nagkompirma sa hiwalayan, matapos na kaya ang parunggitan ng magbalae sa social media?

Balik showbiz na si Sarah sa Viva series na Lumuhod Ka Sa Lupa habang may bagong projects si Richard sa ABS-CBN.