HATAW! D'yaryo ng Bayan hatawtabloid.com
MATABIL
ni John Fontanilla
AYAW ikompara ni Cong. Wilbert Lee ang tatlong babaeng kasama niya sa inaabangang public service sa telebisyon, ang Si Manoy ang Ninong Ko na mapapanood tuwing Linggo sa GMA 7, 7:00 a.m. na sina Gelli De Belen, Patricia Tumulak, at Sherilyn Reyes-Tan dahil pare-parehong amazing lady ang mga ito.
At kahit nga pare-parehong bago sa public service sina Gelli, Patricia, at Sherilyn ay pare-parehong may puso sa pagtulong ang mga ito ayon kay Cong. Wilbert, kaya naman bagay na bagay sila sa kanyang show.
May mga lugar nga na napuntahan at na-interview si Sherilyn na sobrang nadurog ang kanyang puso, kaya ‘di niya napigilang maluha. Kaya isa iyon sa dapat abangan ng mga manonood sa kanilang show.
At kahit nga si Patricia ay maraming natututunan sa bawat lugar na kanyang pinupuntahan.
Habang katuwang naman ni Cong. Wilbert sa pagresolba ng mga problema ng ating mga kababayan sa iba’t ibang parte ng Pilipinas ang kasama niya sa studio na si Gelli na saludo sa pagiging matulungin niya sa mga taong nangangailangan.
Kaya naman tutok na tuwing Linggo sa Si Manoy ang Ninong Ko na nagsimulang mapanood kahapon, March 3.
