Karga-kargang bata ni Coco na si Ricky Boy may potensiyal sumikat

HATAWAN
ni Ed de Leon

MAY nakita kaming picture ng isang poging batang lalaki na karga-karga ng action star na si Coco Martin. Pero sayang, hindi inilagay sa post kung sino talaga ang bata na pinangalanan lang nilang “Ricky Boy.” Sa hitsura niyong bata hindi malayong may mag-alok ding mag-artista o commercial model. Alam naman ninyo, in demand ang mga ganyang hitsura ng bata sa mga commercial, lalo na sa mga milk product.

Walang sinabing detalye kundi ang pangalan lang, ni wala pa ngang apelyido. Pero sa tingin namin baka maging ang mga magulang ng poging bata ay fan ni Coco. Naisip lang namin, baka kaya tinawag na Ricky Boy ay hango sa pangalang Ricardo o Cardo na siyang role naman ni Coco noon sa Ang Probinsyano.

Mukhang napakabait na bata at smiling face pa, marunong na ring humarap sa camera. Aba kung tutuusin dapat iyang ipagmalaki ng mga magulang niya sa panahong ito na maraming mag-asawa na gustong magka-anak pero hindi magka-anak, napakalaking bagay niyong binigyan ka ng anak na malusog at pogi pa. Iyang mga ganyan ay dapat na ipinagmamalaki ng mga magulang. Sino kaya ang mga magulang ni Ricky Boy? Sino kaya lalo na ang tatay niya? Hoy dapat mong ipagmalaki ang anak mo malay mo isang araw sumikat din iyan gaya ng Probinsyano.

Mukhang happy naman ang bata sa pictures niya with Coco, ang ganda ng kanyang ngiti, may pictures din silang dalawa na kasama si Julia Montes. Kung iisipin mo nga mukha silang isang “ideal family. Pero sino nga kaya ang magulang ng bata?