HATAW! D'yaryo ng Bayan hatawtabloid.com
I-FLEX
ni Jun Nardo
HINANGAAN ang blended family nina Vilma Santos-Recto, asawang Sen. Ralph Recto, at anak na si Christian kasama si Edu Manzano sa church wedding nina Luis Manzano at Jessy Mendiola.
Sama-sama sila sa wedding at masayang-masaya sa kasal ni Luis. Kaya naman komento sa video na ipinost ni Ate Vi sa Instagram, ang gandang tingnan ng isang blended family na gaya nila.
Samantala, nang makachikahan namin si Ate Vi sa screening ng movie nilang Anak ni Claudine Barretto, nabanggit niyang wala pa siyang script na nagugustuhan sa mga nabasa niya. Kaya hindi pa niya alam kung kailan ang next movie niya.
Ang screening ng restored version ng Anak ay bahagi ng project na Cine Icons ng CCP at may agreement ito sa St. Paul, Quezon City na ipalalabas doon ang iba pang movies na project ng Sagip Pelikula ng Kapamilya.
Binigyan sina Ate Vi at Ricky Lee, na sumulat ng movie, ng recognition ng St. Paul-QC at CCP. Umalis agad si Claudine dahil susunduin ang isa niyang anak sa school.
