Pictures ni Male Starlet nagkalat sa socmed at sa private collection ng mga beki

ni Ed de Leon

NAPAPANGITI na lang ang isang Male Starlet kung binibiro siya at sinasabing siya ang Pictorial King. Ang dami kasi niyang pictorial na lumalabas sa social media maging sa mga private collection ng mga beki.

Sari-saring pictures naman iyon na kinabibilangan ng mga nakasuot siya ng formal wear hanggang sa wala na siyang suot kahit ano.

 Kabilang na rin doon ang mga artistic kuno na nagtatago pa siya sa dilim hanggang doon sa nakatirik talaga siya sa liwanag ng araw.

Kanya-kanyang trip iyan eh at doon naman siya yata kumikita.