Dennis at Jen tiyak na magtatagal

INAMIN nina Jennylyn Mercado at Dennis Trillo na may panahon palang muntik na rin silang maghiwalay dahil sa selos. Hindi naman siguro maiiwasan iyon dahil pareho silang nagsimula mula sa isang nabigong pag-ibig kaya siguro kahit na sabihing mahal nila ang isa’t isa ay nagkakaroon pa rin sila ng duda. Lalo na nga sa kaso ni Jennylyn masakit iyong hindi mapanindigan ng lalaking minahal mo ang responsibilidad sa bunga ng pagmamahalan ninyo. At alam naman natin na  madalas kapos sa pera noon si Jen dahiI hindi naman siya nakabalik agad sa kanyang career matapos manganak. At ang anak naman niya ay may special needs pa. Mabuti naman at nakasundo niya si Dennis na itinuring naman ang kanyang anak na tunay na anak na rin niya. Sa totoo lang, iyang ganyang pagsasama ang tinataya naming magtatagal.

Ngayon sinasabi nga ni Jen na magbabalik na siya sa kanyang career. Ayos na naman ang katawan niya ulit. Palagay namin ilang araw na lang ay mababalikan na niya ang seryeng dapat ay ginawa niya noon bago pa ang pandemic.

Bakit nga hindi eh maganda na naman si Jen ngayon.