Kristoffer Martin umaming minsang nabaliw sa pag ibig

MATABIL
ni John Fontanilla

INAMIN ni Kristoffer Martin na dumating siya sa punto noon na kahit masira ang kanyang career ay deadma siya at lagi niyang isinasama ang kanyang girlfriend sa taping or shows kahit may ka-loveteam pa siya.

Kuwento nga nito sa show ni Kuya Boy Abunda na Fast Talk nang matanong sa kung ano ang pinakabaliw na nagawa niya alang-alang sa pag ibig?

“‘Yung kahit makita kaming magkasama, kahit masira ‘yung career ko, wala akong pakialam,” anang aktor.

At kahit nga nang magkaanak ay matagal na panahon din niyang inilihim bago inamin, pero ngayon everytime na may magtatanong sa anak niya na lagi niyang kasama ay mabilis niyang  inaamin, “Opo, anak ko po ‘to.”

Dagdag pa nito, “Kumbaga, sabi ko, hinayaan ako ni Lord na sa sarili kong way mailabas ‘yung anak ko, hindi sa kalat-kalat,” 

Ngayon ay bukas na libro ang pagkakaroon ng asawa’t anak ni Kristoffer at hindi na niya kailan pang isikreto o itago.

Abala si Kristoffer ngayon sa kanyang bagong show, ang Makiling na kontrabida ang role na kanyang ginagampan bilang miyembro ng Crazy 5.