Francis Magundayao bilib sa husay ni Nadine

MATABIL
ni John Fontanilla

FIRST time makatrabaho ni Francis Magundayao si Nadine Lustre sa proyekto ng Viva Studio, ang series na Roadkillers at sobra siyang napabilib sa mahusay na pagganap ng aktres.

Kuwento ni Francis sa ginanap na screening at  presscon ng Roadkillers sa Cinema 17 ng Gateway, napahanga siya ni Nadine sa bilis nitong makawala sa role na ginagampanan.

Sana nga raw ay magaya niya si Nadine na aniya  ay talaga namang mahusay na aktres.

Isa sa eksena na hindi malilimutan ni Francis ay ang paglalagay ng prostethics sa kanyang mata dahil kailangan ito sa eksena na binulag at dinukot ang kanyang mga mata.

Tumama sa araw ng kanyang birthday nang kunan ang naturang eksena at tumagal iyon ng walong oras na wala siyang makita.

Bukod kay Nadine ay makakasama rin sa Roadkillers sina Jerome Ponce, Bodgie Pascua, Allan Pauleatbp. mula sa mahusay na direksiyon ni Rae Red, hatid ng Viva Studio at mapapanood sa March 1 sa Viva One.