HATAW! D'yaryo ng Bayan hatawtabloid.com
I-FLEX
ni Jun Nardo
PINABULAANAN ni Marian Rivera ang lumabas sa isang pahayag na sinasabing galing sa bibig niya.
Agad naglabas ng kontra si Yan para ipaalam sa lahat na hindi sa kanya nanggaling ang pahayag na ito: “Kaway-kaway sa mga suwerte sa biyenan. Hindi man sweet sa social media, pero mabait, concern sayo at sa mga bata, di sinusulsulan ang anak nilang lalake, at mahal pa rin na parang totoong anak niya.”
Caption umano ito na mayroon pang profile pic ni Marian sa nasabing post.
Agad sinopla ni Marian ang post at sinabing, “Hindi ko ‘to sinasabi bakit ba may mga taong hilig mag edit? Napakararami na po kayo, tama na!”
Sa totoo lang, walang sinisino ang mga poser ngayon.
Kahit abala sa taping ng GMA series niyang My Guardian Alien, hindi palalampasin ni Yan ang ganitong post lalo na kapag may kaugnayan sa pamilya niya at sa asawang si Dingdong Dantes, huh!
