HATAW! D'yaryo ng Bayan hatawtabloid.com
TINULDUKAN na ang isyu na lilipat daw sa ibang network si Carla Abellana dahil sa pagpirma niya ng bagong kontrata sa GMA.
Kaya yes, tuloy ang pagigigng Kapuso ni Carla.
Ginanap ang renewal ng kontrata ni Carla kahapon, January 29 na present ang mga boss ng GMA Network na sina GMA Network’s Chairman Atty. Felipe L. Gozon, President and CEO Gilberto R. Duavit Jr., Executive Vice President and CFO Felipe S. Yalong, at Senior Vice President for Entertainment Group, Lilybeth G. Rasonable. In attendance rin siyempre ang boss ng Triple A Management’s President and CEO na si Michael Tuviera dahil co-managed nila si Carla with GMA.
Labis ang tuwa at pasasalamat ni Carla sa patuloy na tiwala sa kanya ng GMA bilang isang Kapuso.
Lahad ng aktres matapos ang contract signing, “Kanina pa po ako nagpipigil ng iyak sa VTR pa lang.
“Today is a very special day po for me… This is very, it’s valuable po sa akin, napaka-importante po nito.
“Hindi ko po makalilimutan ito and I will take good care of it po. I will continue to grow and evolve and do my best ‘yung pagiging artista po at Kapuso. Maraming, maraming salamat po for this opportunity.”
Unang napanood si Carla sa GMA noong 2009 na nagbida sa Pinoy remake ng Mexicanovela na Rosalinda ni Thalia.
Sa serye rin ay nanalo si Carla bilang Best New Female TV Personality sa 24th Star Award for Television noong 2010.
Sa kasalukuyan ay napapanood si Carla sa Stolen Life with Gabby Concepcion and Beauty Gonzalez, na susundan naman ng Widows’ War kasama si Bea Alonzo. (Rommel Gonzales)
