Bimby kailangan na raw magtrabaho pangsuporta sa pagpapagamot ni Kris

HATAWAN
ni Ed de Leon

PARANG ang lakas ng dating ng drama. Kailangan na raw magtrabaho ng bunsong anak ni Kris Aquinona si Bimby para masuportahan ang kanyang pagpapagamot sa US. Mahigit ng dalawang taon sa US si Kris pero mukhang lumulubha pa ang kanyang kalagayan. Hindi pa rin gumagaling ang kanyang sakit sa kabila ng pag-aasikaso ng mahuhusay na doctor at mga mamahaling gamot. 

Mukhang nauubos na ang pera ng dating kinikilalang “queen of all media.” Kaya nga kailangang maghanap-buhay ang anak niyang si Bimby pero ano ba naman ang kikitain niyon agad para mapunuan ang kanyang kailangan? Huwag naman ninyong sabihin na presidente siya agad ng isang kompanya sa America at makakaya niyang sustentuhan ang pagpapagamot ng nanay niya?

At saka kung iisipin nga ninyo halimabawa’t totoo ngang halos ubos na ang pera ni Kris bakit hindi niya gamitin ang share niya sa kanilang hacienda? Hindi ba kaparte naman sila ng Haienda Luisita? At ano naman ang ginagawa ng mga kapatid niyang may kaya rin naman sa buhay? Hindi ba’t baby naman siya ng kanyang mga kapatid? Bakit pababayaan nila ang pamangkin nilang magtrabaho at balikatin ang pasanin ng pagpapagamot kay Kris?

Pag-aralan na rin naman nila, bagama’t obligasyon nga nila na mailigtas ang buhay ni Kris sa anumang paraan kung wala nang makuhang gamot para sa sakit niya bakit hindi itigil na lang muna iyon at baka sagad na rin sa puro gamot ang katawan niya kaya hindi na makalaban.

May mga bagay na kung hindi na natin kaya mabuting ipaubaya na lang natin sa mga kamay ng Diyos. After all Diyos lang naman ang makapagsasabi kung hanggang kailan talaga tayo tatagal.

Ipagpaubaya na nila iyan sa Diyos.