HATAW! D'yaryo ng Bayan hatawtabloid.com
REALITY BITES
ni Dominic Rea
KOMPIRMADONG for sale na nga sa halagang P50-M ang kauna-unahang naipundar na bahay ng pamilya Ford.
Ayon sa isang kaibigan, tuloy na tuloy na nga ang pagbebenta nito. Ang dahilan ay lilipat na at bibili rin ng bagong bahay si Karla Estrada sa South area kapag naibenta niya ang nasa Quezon City.
Hindi totoong kesyo maraming memories ang napasok sa naturang bahay kundi desisyon na rin ito ng buong family na gusto ng umalis sa Metro.
Ang bahay lang ni Karla ang ibinebenta at hindi ang katabi nitong bahay namang naipundar ni Daniel Padilla. Maiiwan daw ang bahay ni Daniel at hindi totoong balak din itong ibenta ng aktor.
Samantala, kinompirma rin sa amin ng isang kaibigan na magre-renew na nga ng kanyang panibagong kontrata si Daniel sa ABS-CBN this February. Kaya tantanan na ang balitang kesyo naghahanap ng bagong management si Daniel dahil mananatili pa rin siyang Star Magic Artist!
‘Yun na!
Ayon sa aming kaibigan, naloka rin daw si Karla sa balitang lumabas na may utang siya sa ina ng dating girlfriend ni Daniel.
Wala raw itong katotohanan. Nanatiling tahimik ang buong pamilya ni DJ hanggang ngayon sa dinaranas nilang pamba-bash.
