Bagong bukas na bar baka mahatulan ng tadhana ‘pag pinag-perform si Pura Luka Vega

HINDI lang naman daw pambakla at tomboy ang club na binuksan na kasosyo pala sina Ice Seguerra at dating FDCP Chairperson Liza Dino.Pero ang palabas ay gagampanan ng mga “Nagpapanggap na babae.” 

Ang nakatawag sa pansin namin, sinabi ng isa nilang kasosyo na ok sa kanya ang performance ng baklang si Pura Luka Vega na isinumpa na ng mga namamanata sa Nazareno sa Quiapo, at nanghingi ng donasyon para siya makapag-piyansa matapos na hulihin dahil sa kasong isinampa ng Hijos de Nazareno Central.

Sige kunin pa ninyo iyan, at ipaulit ninyo sa kanya ang kanyang ginawang kalapastanganan sa pananampalatayang Kristiyano. Tingnan na lang natin kung kikita kayo.

Kung sa bagay, hindi naman siya deklaradong persona non grata sa Quezon City kung nasaan ang bar nina Ice at Liza at ng kanilang mga kasosyo. Kung hindi sila natatakot sa hatol ng tadhana sige lang. Malaya naman ang lahat na gumawa ng kahit na anong performance, kahit na tuwiran nang paglapastangan sa Diyos. May naghihintay namang karma eh, puwedeng hindi agad pero mabilis ang dating niyan, paalala lang.