HATAW! D'yaryo ng Bayan hatawtabloid.com
MATABIL
ni John Fontanilla
SINA Kathryn Bernardo at Nadine Lustre ang napipisil ng Star For All Seasons Vilma Santos para gumanap sa remake ng iconic movie na T Bird at Ako na pinagbidahan nila noon ni Nora Aunor.
Natanong si Ate Vi ng ABS-CBN correspondent na si MJ Felipe, kung sino ang naiisip niyang pwedeng bumida sa bagong version ng T-Bird At Ako na idinirehe ni Danny Zialcita na gumanap na dancer sa club si Vilma habang abogado naman si Nora.
Nabanggit ni Ate Vi ang pangalan ni Kathryn, habang binanggit naman ni MJ ang pangalan ni Nadine lalo na’t maraming fans ang nagsa-suggest na pagsamahin ang dalawa sa isang proyekto.
“Oh, heaven ‘yan! Heaven ang team na ‘yan, parehong magaling! That’s a good pair,” sagot ni Ate Vi.
After nga ng successful na pagpapalabas ng kanyang pelikulang When I Met You In Tokyo na nanalo ito ng Best Actress sa MMFF 2023 Gabi ng Parangal ay ibinalita nito na may natanggap siyang script para sa pelikulang pagsasamahan nilang muli ni Ate Guy at kung matutuloy, ito ang magsisilbing reunion project nila makalipas ang mahigit tatlong dekada.
