Ina ng young star na si Jhazzy Busran idedemanda naninira sa kanilang mag-ina

MATABIL
ni John Fontanilla

MARIING pinabulaanan ni Mommy May Cruz Busran, ina ng young actress na si Jhazzy Busran ang mga malisyosong balita na ipinakakalat ng taong itinuring niyang kaibigan at pamilya.

Hindi naiwasang maluha ni Mommy May sa sama ng loob nang humarap sa ilang entertainment press, dahil hindi raw nito inakalang sisiraan siya ng itinuring niyang kaibigan at  pamilya.

Kuwento ni Mommy May, nagsimula ang paninira sa kanya nang hindi napagbigyan ang kahilingan niyon kaugnay sa pera na hinihiram.

Ilan nga sa paninira sa kanya ay kesyo malakas ang loob na mag-produce ng pelikula pero wala talaga silang pera at marami pang iba. Okey lang kay Mommy May na siya na lang ang siraan pero idinamay pa ang kanyang anak na kesyo kahit anong gawin ay hinding-hindi sisikat.

Kaya naman kapag ‘di pa tumigil sa paninira ang nasabing tao ay idedemanda ito. Sa ngayon ay nag-uusap na sila ng kanyang lawyer kung anong kaso ang isasampa sa nasabing tao.