Dindong excited sa bagong endorsement nila ni Marian at mga anak 

MATABIL
ni John Fontanilla

ANG mag-asawang Dingdong Dantes, Marian Rivera-Dantes, at ang kanilang  guwapong unico hijo na si Sixto Jose Dantes IV  ang kauna-unahang Ambassadors ng NWow Philippines.

Naganap ang contract signing ng Dantes family sa Novotel kasama ang mga big boss ng NWow noong Lunes.

Kuwento ni Dingdong, “Itong mga nakaraang buwan kasi at nakaraang linggo naging very busy kasi kami sa aming mga trabaho.  

“Sobrang excited kami dahil ngayon lang kami (Marian) nagsama (endorsement) after 13 years. Have been said that ‘yung oras namin sa bahay, sa mga bata nabawasan, kaya ngayon na may panahon kami looking forward kami sa mga bagong memories  at bagong exciting activities na puwede naming gawin together.

“And malaking bagay na nagagawa namin siya na magkakasama, sa pamamagitan ng vehicle na ito makapupunta kami sa malalapit na lugar sa aming barangay, to do recreational stuff, just as simple as playing in the park o pupunta sa simbahan. ‘Yung mga bagay na nagagawa lang ng dalawa, kunwari sasakay kami ng bisekleta o scooter, eto (NWow E Bike)  sabay-sabay naming  nagagawa ‘yung mga bagay ‘yun.  

“Kaya kami pumayag at na-excite sa partnership na ito and to build more memories with my family,” masayang pagbabahagi ni Dingdong.