HATAW! D'yaryo ng Bayan hatawtabloid.com
I-FLEX
ni Jun Nardo
NAGKARON pala ng freak accident si Cassy Legaspi habang nasa shooting ng festival movie rito sa Pinas na kabilang siya.
Nasa isang tent daw si Cassy na tila nag-e-exercise. Malapit siyang nakikita ni John Gabriel na kasama rin sa movie habang nasa bandang malayo naman si Darren Espanto.
Kuwento ni John nang mainterview sa Marites University, “Pinanonood ko lang si Cassy sa stretching niya. Then parang nakita kong babagsak.
“Agad ako tumayo at sinalo siya. Gayunman, bumagsak pa rin siya at tumama ang ulo sa sahig.
“Agad akong sumigaw para humingi ng tulong. Agad namang tumakbo si Darren para umalay sa amin.
“Pinatawagan ko ang father ni Cassy at agad na dinala sa ospital. Ang sabi ng doctor, overfatigue ang nangyari kay Cassy,” balita ni John.
Isa si John sa bagong artists ni Daddie Wowie Roxas at kasabayan niya ang isa pa nitong artist na si Joaquin Domagoso.
Abangan ang interview namin kay John sa Marites Uniiversity na sinubok siya ng mga hamon sa showbiz na muntik na niyang ikasuko, huh!
