Bea nabiktima ng cheater: kung may lolokohin ka magiging mabigat buhay mo

HATAWAN
ni Ed de Leon

MAKABULUHAN naman ang naging statement ni Bea Alonzo sa “Cheaters.” Wala namang kinalaman sa KathNiel ang kanyang statement. Isa iyong general statement at kung nasabi man niya iyon dahil na rin sa katotohanang dalawang ulit na siyang nabiktima ng isang cheater.

Sabi ni Bea, “hindi maganda ang maging cheater at kung may lolokohin kang kapwa mo magiging mabigat ang iyong buhay kasi manloloko ka.” 

Tama ang sinabi ni Bea masama talaga ang maging mandaraya sa negosyo man o sa isang relasyon. Talagang ang mga mandaraya ay hinahabol ng kanyang karma at karaniwan ang karma ay sampung ulit ng ginawa mong pandaraya. Si Bea siguro nga hindi lang nadaya sa kanyang trabaho nadaya na rin naman siya ng pag-ibig.

Pero iyang biktima ng mga cheater, mas nagiging matibay ang damdamin ng mga iyan at sila iyong hindi manloloko ng iba dahil alam nila ang damdamin ng biktima ng isang cheater at ayaw nilang madama pa iyon ng iba.

Si Bea ano man ang sabihin ninyo may good karma naman. Nabiktima siya ng isang cheater sa pag-ibig nagkaroon naman siya ng isang mas responsableng boyfriend na hindi siya niloloko.