Vice Ganda nagpa-powertrip

HATAWAN
ni Ed de Leon

MASYADO na bang powerful, o matindi ang power trip ni Vice Ganda at ng mga troll niya? Nagsimula lang naman ang power trip nila noong nag-mass reporting ang kanyang mga troll at nagipit nila ang blogger na si Rendon Labador na naalisan ng account sa social media. Sinubukan din nila ang style na iyan laban kay MTRCB (Movie and Television Review and Classification Board) Chair Lala Sotto pero walang nangyari sa kanila.

Ngayon naman may petisyon sila laban kay Cristy Fermin dahil sa sinabi raw noon laban kay Vice at gusto nilang patalsikin na iyon ng TV5 sa kanilang estasyon.

Hinanap namin ano ba ang sinabi ni Cristy? Sabi niya ikaw Vice hindi ka naman babae, nagpapanggap ka lang na isang babae. Eh hindi ba talaga namang hindi babae si Vice sa kanyang mga dokumentong legal. Siya si Jose Mari Viceral, at ang gender niya ay male. Sa kanyang mga show nakadamit babae siya at may suot na wig at umaarteng tila babae. Kung tawagin pa siya ng mga alagad niya ay “meme” pero maikakaila ba nila na sa katotohanan ay lalaki siya? May asawa siya sa abroad dahil hindi naman kinikilala sa Pilipinas ang same sex marriage hanggang ngayon, pero kilalanin man iyon, hindi pa rin siya maituturing na babae. Wala siyang matris at hindi maaaring magbuntis. Eh ano ang masama kung ipamukha sa kanyang lalaki siyang nagpapanggap lamang na babae? Ano ba ang gusto nilang palabasin bukod siyang pinagpala sa baklang lahat at hindi nangpapanggap lamang na babae?

Batayan ba iyon para hilingin mo sa isang kompanya na paalisin ang kanilang tauhan na nagsasabi naman ng totoo?

Sobra na ang power trip nila, pataasin muna nila ang ratings nila para sila paniwalaang may malakas na puwersa.