Kelvin Miranda pumiyok sa blind item ni Darryl

HATAWAN
ni Ed de Leon

ARAY, pumiyok ang male starlet na si Kelvin Miranda sa blind item ng director na si Darryl Yap na isang male star ang binayaran ng isang international singer ng P1-M para sa isang magdamag.

Kaya naman mapapa-aray bakit nga ba si Kelvin ang pumiyok? Mayroon bang pagkakataon na may nakausap man lang siya na isang international singer? Nanood ba siya ng concert noon at kinausap siya pagkatapos? Kasi kung hindi naman siya nakakausap ng isang international singer bakit ba siya pipiyok ano man ang sabihin ng ibang tao? Napakadali niyang sabihin na hindi nga niya kilala iyong taong iyon.

Kung totoo namang binayaran siya ng isang milyon isang gabi eh dapat matuwa siya, isipin mo naging milyonaryo siya sa ganoon kabilis lamang? May mga taong nakuba na sa pagtatrabaho ni hindi pa nakahawak kahit kalahating milyon lamang. Suwerte siya kung dalawang milyon sa loob ng dalawang gabi.

Aba eh magtanong ka sa mga artistang kilalang “car fun boys” kung may nagbayad sa kanila kahit na kalahating milyon lang. Palagay namin mas marami pa siyang kailangang ipaliwanag sa ngayon dahil sa pagpiyok niya.