HATAW! D'yaryo ng Bayan hatawtabloid.com
I-FLEX
ni Jun Nardo
TUWANG-TUWA ang fans ni Vilma Santos-Recto sa mahabang oras na inilaan ng kanilang idolo sa nangyaring fans’ day matapos ang ilang taon.
Sa tanda ng fans, huling nagkaroon ng fans’ day si Ate Vi with the Vilmanians sa movie niyang Everything About Her.
Pero ang ginanap na fans day eh walang kinalaman sa pagkakaroon ni Ate Vi ng festival movie na When I Met You In Tokyo.
“Nakaplano na talaga ito dahil miss na miss ko kayo. Nagkataon lang na may festival movie tayo kaya nangyari ito. Just the same, isang pasasalamat ko rin ito sa inyong lahat na patuloy na nagmamahal at sumusuprorta sa akin!” pahayag ni Ate Vi sa lahat.
Puno ang malaking ballroom ng Tramway resto at bumaha ng food para sa lahat ng fans at mga bisita.
Nagkaroon din ng group presentation, raffle, at pictorial si Ate Vi with her fans kasama ang co-stars niya sa When I Met You In Tokyo na sina Christopher de Leon, Lyn Cruz, John Gabriel at producers ng movie at production head na si Redgie Acuna-Magno.
Salamat Vilmanians at kay Jojo Lim na prexy ng VSSI sa invitation.
