HATAW! D'yaryo ng Bayan hatawtabloid.com
HATAWAN
ni Ed de Leon
NANANAHIMIK si Sunshine Cruz sa kanyang buhay, na puro trabaho at ang kanyang mga anak na lamang ang pinagbubuhusan ng panahon ngayon, tapos may mga hindi pa magagandang tsismis na maririnig namin tungkol sa kanya. Ang tindi ng tsismis na ibinato sa amin ng isang kasamahan namin. Na si Sunshine raw sa ngayon ay girlfriend ng isang gambling lord.
Hindi kami naniniwala riyan dahil kilala namin iyang si Sunshine, hindi papatol iyan sa mga ganoong klase ng tao at sa ganoong sitwasyon. Napaka-straight niyang si Sunshine. Hindi mo masisilaw iyan sa pera. Marami na ang nagtangka riyan na hindi nakalusot. Sabihin mo pang isang mahusay na tao, manliligaw sa kanya at maaaring magustuhan niya, maniniwala pa kami.
Pero iyong ganoong tao, na ang reputasyon pa ay gambling lord, makaka-score siguro siya at pag-aagawan pa siya sa isang pamilya ng mga female star na kilala namin, pero kay Sunshine malabo siya.
Hindi gagawa ng ganoon si Sunshine, sa mga anak lang niya mahihiya iyan kung gagawa siya ng ganoon, at sa angkan nila ay walang ganoon.
Siguro nga wala na lang silang maipanira kay Sunshine kaya nagkakalat sila ng ganyan, at isa lang naman ang maaaring pagmulan ng ganyang paninira laban sa kanya.
