HATAW! D'yaryo ng Bayan hatawtabloid.com
IKINASAL na sina Jomari Yllana at Abby Viduya noong Linggo, November 5 sa A Little White Chapel sa Las Vegas, Nevada.
Sa Facebook post ng manager nina Abby at Jom na si Nestor Cuartero, ibinalita nito ang ukol sa naganap na pagpapalitan ng ‘I do’ ng dalawa sa A Little White Chapel sa Las Vegas, Nevada. Ang chapel na ito ay siya ring pinagkasalan ng Hollywood celebrities na sina Ben Affleck at Jennifer Lopez.
Kasama sa mga nag-witness sa kasal nina Jom at Abby ang anak ng aktor kay Aiko Melendez na si Andre Yllana at ilan pang malalapit na kaibigan ng dalawa.
Sa 2024 o 2025 ay muling magpapakasal ang dalawa rito sa Pilipinas. At ang kanilang honeymoon ay after pa ng Pasko.
“We wanted Vegas, actually it’s funny kasi ang gusto namin ang magkakasal sa amin si Elvis. Kasi Jom used to say to me, ‘Can’t help falling in love with you.’ It’s going to be very simple lang. It’s just a few family members. Sa honeymoon, we were discussing either Paris or in Jerusalem,” ani Abby sa isang panayam sa kanila.
