Sampaguita at Daniel gustong maka-collab ni Cool Cat Ash

MATABIL
ni John Fontanilla

ANG legendary singer na si Sampaguita at  ang Kapamilya singer at actor na si Daniel
Padilla ang gustong maka-collab ni Cool Cat Ash.

Tsika nito sa launching ng kanyang album under Star Music, ang I find Love so so Weird na naglalaman ng 13 beautiful songs na sana ay magkatotoo ang kanyang pangarap na maka-collab ang kanyang mga iniidolong singer na sina Sampaguita at Daniel.

Dagdag pa nito, “Hindi ko in-expect na ilalabas ko itong songs in the first place. Star Music encouraged me to write more upbeat and pop songs because they believed in me, so I’m very happy that they supported me in that way.”

Sa key track na i find love. so. so. weird. ibinahagi ni Cool Cat Ash ang nakakakabang pakiramdam na mahulog para sa taong minamahal at kung paano nakaaapekto ang peer pressure mula sa iba’t ibang tao.

“It’s all about me finding love so weird kasi medyo allergic ako sa romantic love. I feel like I’m too scared to fall deeply in love and I’m scared of being vulnerable and intimate with anyone. For this, na-feel ko yung peer pressure mula sa mga taong nahanap na ‘yung taong mahal nila.”