Teejay Marquez excited makasakay ng karosa sa MMFF 2023

MATABIL
ni John Fontanilla

MASAYANG-MASAYA si Teejay Marquez sa pagpasok ng kanyang pelikulang Broken Heart’s Trip sa 2023 Metro Manila Film Festival.

Ito kasi ang kauna-unahang pelikula ni Teejay na nakapasok sa MMFF kaya excited ito na makasakay ng karosa para sa taunang Parade of Stars.

“Sobrang happy po ako nang malaman kong kasama sa napili ang movie namin na ‘Broken Heart’s Trip’ sa 2023 Metro Manila Film Festival.

“And this is the first time na may movie ako na entry sa festival na talaga namang inaabangan ng mga Filipino sa araw ng Kapaskuhan.

“Excited na rin akong sumakay ng karosa for the first time.

“Sana magustuhan ng mga manonood ‘yung movie namin dahil maganda siya at napakahusay ng mga nakasama kong actors dito,” mahabang sabi ni Teejay.

Makakasama ni Teejay sa Broken Heart’s Trips sina Cristian Bables, Iyah Mina, Petite, Marvin Yap, Jaclyn Jose, Jay Gonzaga, Ron Angeles, Tart Carlos, Arnold Reyes, Sinon Loresca atbp., hatid ng BMC Fims in Partnership with Smart Films sa direksiyon ni Lemuel Lorca.