Ayon sa hula: artistang lalaki sisikat tulad ng kasikatan ni Aga sa 2024

HATAWAN
ni Ed de Leon

MAY isang kilalang manghuhula na nagsasabing may isang artistang lalaki na biglang sisikat sa 2024, magiging isang phenomenon daw gaya ng pagsikat ni Aga Muhlach noong panahon ng Bagets. 

Sana nga totoo, aba eh matapos ang panahon ni Aga wala nang sumunod na matinee idol, para tuloy tinamad na rin ang fans, nawala na ang nagtitiliang fans kung nakakakita ng artista. Mga Koreano na ang kanilang tinitilian.

Kaya tingnan ninyo, pati model ng brief, doughnuts, mga real estate properties, at kung ano-ano pa ay puro Koreano. Nakalulungkot dahil maraming artistang Filipino na walang trabaho. Sa totoo lang, hindi kami bumibili ng underwear na ang model ay mga Koreano. Para pala sa Koreano iyan eh, ‘di sila na lang ang magsuot. Hindi na rin kami bumibili ng doughnuts na ang endorser ay Koreano. Lalo naman kaming hindi kumakain sa mga restaurant ng mga Koreano, mas kumakain pa nga kami ng Japanese food kahit na sa totoo lang ang lolo namin ay pinatay ng mga Hapon dahil sa mga Makapiling ang nagtatag ay lolo ng isang showbiz character na hindi namin nagustuhan.

Ngayon may mga kabataan pang Filipino na nagpapanggap na Koreano rin sila para sumikat. Aba eh, gaya nga ng sabi sa kanta ni JK Labajo, “nakaka…….ina” iyan.