6th The EDDYS awards night ng SPEEd ililipat ng petsa, venue

SHOWBIZ KONEK
ni Maricris Valdez Nicasio

IPAGPAPALIBAN ng Society of Philippine Entertainment Editors (SPEEd) ang nakatakdang 6th The EDDYSo Entertainment Editors’ Choice sa darating na Oktubre 22.

Ito ang inihayag ng mga opisyal at miyembro ng SPEEd na ipagpaliban muna ang pagsasagawa ng ikaanim na edisyon ng The EDDYS na gaganapin sana sa EVM Convention Center sa Quezon City.

Ayon sa presidente ng samahan ng mga entertainment editors sa bansa na si Eugene Asis, kinailangang kanselahin pansamantala ang awards night ng The EDDYS na nakatakda sana sa October 22 dahil sa ilang hindi inaasahang pangyayari na hindi kontrolado ng organizer at producer. 

Dahil dito, minabuting ilipat ng petsa at venue ang Gabi ng Parangal. 

Agad na maglalabas ng mga kaukulang detalye ang pamunuan ng SPEEd at ang Airtime Marketing Philippinesna pag-aari ni Tessie Celestino-Howard, ang producer ng 6th The EDDYS sa oras na maisaayos ang lahat. 

Lubos na humihingi ng paumanhin ang organizer at producer ng event sa nominees, iba pang involved sa produksiyon at sa publikong naghihintay nito taon-taon.