HATAW! D'yaryo ng Bayan hatawtabloid.com
ni Ed de Leon
SINUGOD ng isang male starlet ang isang gay na dati niyang nakarelasyon, matapos makita ang isang post sa social media na kasama niyon ang isang male star na matagal nang natsitsismis na bading din.
“Bakit mo kasama iyon, kabit mo ano, siguro siya naman ang syota mo ngayon,”galit na sabi ng male starlet sa gay na dati niyang ka-on. Hindi naman pinansin ng gay ang pagwawala niyang may halong selos.
Kasi ang sabi ng gay, “iniwan ko naman siya dahil nahalata ko na gay din siya. Natatakot naman akong baka kung magkasiping kami bigla na lang bumuka ang lupa at kainin kami.”
Buti nakalimutan na ng gay ang isa pang kasabihan ni JJ noong araw, “tatamaan kayo ng kidlat.” Tag-ulan pa naman ngayon.
Iyan sana ay maging leksiyon sa mga lalaking pumapatol sa bading, basta nagsawa na sa inyo at hindi na enjoy ang bading, hahanap na iyan ng iba. Bakit nga ba naman siya babayad kung hindi na siya enjoy, at walang karapatang magalit ang lalaki, lalo na kung binabayaran naman siya.
