Thursday , February 27 2025
Aiko Melendez Eddie Garcia

Aiko dapat nang ipasa ang ‘Eddie Garcia’ bill 

HINIMOK ni Quezon City Councilor Aiko Melendez ang Senado na ipasa ang tinatawag na “Eddie Garcia” bill, isang panukalang batas na naglalayong protektahan ang mga manggagawa at/o mga independent contractors sa industriya ng pelikula, telebisyon, at radyo.

Binigyang-puri ng beteranong aktor-na-ngayo’y politiko ang liderato ni House Speaker Ferdinand Martin G. Romualdez para sa mabilis na pagpasa ng panukala sa House of Representatives. Ang House Bill No. 1270 ay naipasa noong Pebrero na may kabuuang 240 boto.

Subalit sa loob ng pitong buwan matapos itong maipasa sa mababang kapulungan, hindi pa rin ito naipapasa ng Senado.

Ang iminungkahing batas ay pinamagatang “Eddie Garcia” bilang pagkilala sa sikat na aktor na namatay noong Hunyo 2019 dahil sa aksidente habang nagte-taping para sa isang teleserye sa isang estasyon ng telebisyon.

Ayon kay Melendez, ipinakita ng kamatayan ni Garcia ang pangangailangan para sa isang ligtas na lugar ng pagtatrabaho para sa mga manggagawa sa entertainment industry.

Idinagdag pa niya na marami sa mga manggagawa sa entertainment industry ay independent na aktor, aktres, at performers at mga freelancer, na walang katiyakan ang suweldo at benepisyo.

Sa kanyang pahayag, nanawagan si Melendez sa kanyang mga kapwa artista na ngayon ay nagsilbing mga senador na maseguro ang pagpasa ng panukalang batas na ito sa pinakamabilis na panahon. Kasama rito ang mga senador na sina Lito Lapid, Robin Padilla, Jinggoy Estrada, at Bong Revilla.

Bilang isang aktres, naranasan at nasaksihan ko mismo ang mga hamon at panganib sa aming industriya. Ako ay nananawagan sa aming mga kasamahan sa Senado na bigyan ng seryosong pansin ang panukalang batas na ito. Ang kaligtasan at karapatan ng manggagawa sa entertainment industry ay dapat maging prioridad,” pagtatapos ni Melendez.

Kabilang sa mga author ng “Eddie Garcia” bill sa senado sina Lapid, Estrada, at Padilla samantalang naghain naman ng panukalang Media Workers’ Welfare Act sina Sens Bong Go, Raffy Tulfo, at Loren Legarda.

About hataw tabloid

Check Also

Arrest Shabu

HVI timbog sa Caloocan
P2.1-M shabu nasabat sa buybust

NASAMSAM ng mga awtoridad ang hihit sa P2-milyong halaga ng hinihinalang shabu mula sa isang …

Cardinal Tagle Pope Francis

Espesyal na panalangin para kay Pope Francis ipinanawagan ni Cardinal Tagle

NANAWAGAN si Cardinal Luis Antonio Tagle nitong Linggo, 23 Pebrero, sa lahat ng mananampalataya na …

Maguindanao vice mayor sugatan sa pamamaril

SUGATAN ang bise alkalde ng bayan ng Datu Piang, sa lalawigan ng Maguindanao del Sur, …

Yosi Sigarilyo

Sa Capas, Tarlac  
Kompiskadong P270-M puslit na ‘yosi’ iniaalok sa online ng 2 empleyado ng disposal company, timbog

INARESTO ng National Bureau of Investigation (NBI) ang dalawang indibiduwal dahil sa pagkakasangkot sa muling …

Arrest Posas Handcuff

Sa Angeles, Pampanga
Puganteng Koreano tiklo sa carnapping

NASAKOTE ng mga awtoridad ang isang dayuhang wanted sa kasong carnapping habang nasa loob ng …