Morisette at Katrina gustong maka-collab ng Soulful Balladeer na negosyante

MATABIL
ni John Fontanilla

ANG mahuhusay na singer na sina Morisette at  Katrina Velarde ang gustong maka-collab ng Soulful Balladeer si Dindo Fernandez na naging nominado sa 2022 Aliw Awards for Best New Male  Artist of the Year at Best Male Performance in a Concert.

Sa meet and greet nito sa EF Cafe and Restaurant, Alangilan Batangas City, sina Morisette at Kantrina ang dalawa sa paborito nitong singer.

Samantalang si Gary Valenciano naman ang pinakapaboritong singer sa lalaki. Ilan sa naka-influence ng kanyang music sina Martin Nievera, Michael Pangilinan, Boyz 2 Men, at Mariah Carey. 

Ayon kay Dindo malaking tulong sa kanya ang pagiging choir member kaya gumaling siya sa pagkanta.

“I Believe that my foundation in choir singing has helped me a lot to express any song soulfully and wholeheartedly. I was able to blend my voice with  the rest of the members and be able to discover my vocal range. And I guess my edge over other singers is that, when I sing I tell my story.”

Bukod nga sa pagiging mahusay na mang-aawit ay isa rin itong composer at dalawa sa kanyang original composition na kanyang kinanta ay ang Akala Ko at Makinig Ka at kanyang revival song na I Look To You na awitin ni yumaong Whitney Houston.

Sa ngayon ay busy ito sa kanyang mga negosyo at sa promotion ng kanyang mga kanta.