HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
KINOMPIRMA ng 24 Oras ngGMA7na namaalam na ang beteranong news anchor at mamamahayag na si Mike Enriquez sa edad 71.
Wala pang binanggit na dahilan ng pagpanaw ng batikang broadcaster nang iulat ito ng 24 Oras kagabi.
Nagpahayag ng kalungkutan ang mga kasamahan ni Mr Enriquez sa pagpanaw nito. Unang nag-post ng pagkalungkot bagamat walang binanggit na pangalan si Arnold Clavio sa pamamagitan ng kandila na may itim na background sa kanyang social media account.
Nakidalamhati rin ang mga reporter sa GMA na sina Nelson Canlas, Oscar Oida, Connie Sison, at Julius Segovia sa post nila sa socmed bagamat walang pangalan na tinukoy.
Taong 2021 nang magpa-kidney transplant si Mike kaya sandali itong namaalam sa pagbabalita. Kasunod nito ang balitang pumanaw na noong taong 2022 dahil sa mahabang pagkawala sa GMA News program na 24 Oras.
Bagamat matagumpay ang operasyon, kinailangan pa ring magpahinga ng tatlong buwan si Ka Mike noong December 2021 para matiyak ang paggaling nito.
Nasabi nga ni Mike, “I’m not yet finish with the process. It’s still ongoing for me. It’s about my future, my career, my life.”
Bagamat agas naghatid ng balita at napanood sa 24 Oras si Mike, muli itong nagpaalam sa ere para ipgpatuloy ang pagpapagamot. Mula noon hanggang ngayon hindi na bumalik si Mike hanggang lumabas ang malungkot na balitang ito.
Si Mike ay isa sa anchor ng flagship newscast ng GMA na 24 Oras at host din ng radio program na Saksi sa Dobol B. Host din siya ng Imbestigador.
Consultant din siya for radio operations ng GMA Network at presidente ng regional and radio subsidiary, RGMA Network Inc at Station Manager ng Super Radyo DZBB.
