HATAW! D'yaryo ng Bayan hatawtabloid.com
MATABIL
ni John Fontanilla
MATAGUMPAY ang opening ng art exhibit ng dating actor turn painter na si Reb Belleza sa Art Circle Cafe UP Bahay ng Allumni Diliman Quezon City noonh Aug. 7, 2023.
Espesyal na panauhin ni Reb at kasamang nag-cut ng ribbon sina Sen. Grace Poe, dating QC Mayor Herbert Bautista, celebrity businesswoman & philantropist Cecille Bravo.
Present din sa art exhibit ang supportive mom ni Reb na si Divina Valencia at ang kanyang wife na si Vale Dela Riva- Belleza.
Suportado rin ito ng kanyang mga kaibigan sa showbiz na sina Hero Bautista, Rosanna Roces, Maricel Soriano, Monching Guttierrez and Kids, Myla Gumila, Raoul Barbosa, Miguel Bravo, Jeffrey Dizon, DJ Janna Chu Chu atbp..
Ilang araw bago ang opening ng kanyang one man art exhibit ay nagkasakit si Reb at naospital, mabuti na lang at naging mabilis ang kanyang paggaling. Nagpapasalamat nga ito sa ina at asawa na inalagaan siya at hindi iniwan ng mga panahong siya ay may karamdaman.
Sa ngayon ay ang pagpipinta ang nagsisilbing bread and butter ni Reb na iniwan na ang pag-arte at nag-focus na sa pagpipinta. Kapag nakabenta siya ng kahit isang painting ay ito ang ipinantutustos sa kanilang pang araw-araw na gastusin, kaya naman nagpapasalamat siya sa mga taong bumibili ng kanyang paintings.
Apat na paintings ang nabili ni Ms Cecille na nagkakahalaga ng P250,000.
