Handlers nina Ruru, Bianca, at Jillian nanghawi  sa GMA Gala 2023

MATABIL
ni John Fontanilla

MALAPIT na ang Star Magic Ball 2023 atbigla kong naalala ang isa kaganapang nangyari sa GMA Gala 2023 na umariba na naman ang mga hawi boys and girls ng mga artistang dumalo.

Nakagugulat na maging sa mistulang  get together ng mga celeb ng Kapuso Network ay present pa rin ang mga hawi boys and girls.

Ilang insidente nga na nasaksihan namin at kami mismo ang naka-experience na magpapalitrato kina Ruru Madrid and Bianca Umali pero hinawi kami ng handler yata ng dalawa, mabuti na lang at close kami sa aktor na nagsalita ng, “Okey lang si Kuya John, janna chu chu ‘yan.” 

Magiliw na nagpalitrato naman sina Ruru at Bianca, na ‘di na nagawang magpakuha dahil hinawi na ng mga hawi boy and girl. 

At naulit pa ito kay Jillian Ward na bawat lumapit at magpakuha ay hinahawi ng handler.

Feeling yata ng mga handler ng Sparkle nasa mall show or presscon sila kaya super hawi siya. Hindi yata nila naisip na nasa GMA Gala na isang okasyon na pagsasama-sama at bonding na rin ng mga Kapuso artist and special guests.

Hindi pa yata natuto ang mga ito sa kuwento ng panghahawi sa press ng handler ni Alden Richards o sadya lang nagpa-power trip ang mga ito. Tanong lang naman?