Sunday , July 21 2024

Sa masamang kalagayan ng bansa
‘REBRANDING’ NI MARCOS Jr., ‘DI SOLUSYON

071723 Hataw Frontpage

HATAW News Team

PINAYOHAN ni Assistant Minority Leader Arlene Brosas nitong Linggo, 16 Hulyo, ang administrasyon na tumigil sa mga ‘rebranding project’ nito na tila nagiging obsesyon na at nagiging dibersiyon mula sa mga tunay na dapat trabahuin gaya ng pagbibigay ng mas mataas na sahod at disenteng trabaho para sa mga Filipino at pagpapababa ng presyo ng mga bilihin at serbisyo.

Pahayag ni Brosas, kinatawan ng Gabriela Women’s Party, nananatili ang slogan ng pamamahala ni Marcos na “Bagong Pilipinas” na puno ng kabalintunaan dahil patuloy na nalulugmok ang mga Filipino sa mabababang pasahod, mahirap na pamumuhay, at iba pang ‘Marcosian rule’ na hiwalay sa realidad.

Ani Brosas, hindi sagot ang ‘rebranding’ sa mababang pasahod, kahirapan, at sumasadsad na ekonomiya ng bansa.

Mas kailangan umanong pagtuunan ng pansin ng pamahalaan ang pagpapatupad ng makabuluhang pagtaas ng sahod, pambansang industriyalisasyon, at repormang agraryo para sa pangunahing pagbabagong ekonomiya.

Pagbibigay-diin ni Brosas, hindi matatakpan at mabubura ng kahit anong pagtatakip ng kasalukuyang administrasyon ang mga kasalanan ng mga Marcos sa mga mamamayang Filipino.

Imbes sayangin ang kaban ng bayan para sa mga rebranding projects, aniya, mas dapat pagtuunan ng pansin ng administrasyong Marcos ang mga hinaing ng mga ordinaryong Filipino para pababain ang presyo ng mga bilihin at pataasin ang sahod ng mga manggagawa.

Ayon sa mambababatas, ang sahod ng isang karaniwang manggagawang Filipino ay isa sa mga pinakamabababa sa rehiyon ng Southeast Asian.

Idinagdag ni Brosas, ang mga politikong mula sa mga dinastiya ang siyang nakaupo sa mga pangunahing posisyon sa ehekutibo at lehislatibong sangay ng pamahalaan.

About hataw tabloid

Check Also

SM 3 day Sale FEAT

Every Deal You Shouldn’t Miss Every Day, this SM Store 3 Day Sale

SM Store, your Everyday Store, is thrilled to announce that the biggest sale of the …

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …