HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
“MUKHA talaga akong pera. Sino bang hindi mukhang pera? Naku lahat ng tao mukhang pera. Jusko hindi tayo makakakain kung wala tayong pera. Ano ‘to, ‘di ba?”
Ito ang sagot ni Kakai Bautista sa patutsada sa kanya ni Rendon Labador.
Sinabihan kasi siya ng motivational speaker at social media personality na hindi na nga maganda, mukha pa siyang pera.
“So, depende ‘yun sa tao kung hanggang saan ‘yung pagiging mukhang pera niya. Kung gagamitin niya ba ‘yun sa masama o mabuti. ‘Di ba mukha akong pera kasi maraming umaasa sa akin at marami akong gustong matulungan lalo na ‘yung family ko,” sambit pa ni Kakai nang makausap namin sa Beautederm Headquarters sa Angeles, Pampanga sa bonding ng SPEEd at may-ari ng Beautederm na si Ms Rhea Anicoche-Tan.
“Siyempre ‘di ba, uunahin natin ‘yung pamilya natin ‘di ba. Kapag marami kang pera, marami kang mapapasaya. Totoo ‘yan ‘di ba?” aniya pa.
“Dream natin ng maraming work. Ako work work lang talaga ako. Roon tayo sa kung saan may work doon tayo. Happy naman ako, eh,” sabi pa ng biriterang komedyana na ‘hinila’ ni Ms Rei kasama si DJ Jhaiho para sa isang bonggang impromptu mini-concert na pasorpresa ni Ms. Rhea sa grupo ng mga editor.
Ibinahagi rin ni Kakai na naibili na niya ng sariling bahay ang mga magulang sa Laguna, “Two years ago pa tapos ‘yung isang malaking good achievement ko this year na nakabili na rin ako for myself. Diyan lang sa tabi-tabi.
“So happy na ‘ko at least ‘di ba, inuna ko muna ‘yung family ko bago ako,” sambit pa ni Kakai.
Samantala, isa si Kakai sa mga favorite Beautederm ambassador ni Ms. Rhea dahil bukod sa mabait at talentado napakasipag ding mag-promote.
