Arjo namanhikan na sa pamilya ni Maine; Buong angkan ng Atayde sumuporta

SHOWBIZ KONEK
ni Maricris Valdez Nicasio

NAMANHIKAN noong Linggo si Cong. Arjo Atayde sa kanyang fiancée na si Maine Mendoza. 

Sa nakita naming post ni Sylvia Sanchez sa kanyang social media account, present ang lahat ng kanilang pamilya gayundin ang mga pinsan, lolo’t lola ni Arjo. In other words, parang lahat ng buong angkan ni Arjo ay sumama para bigyang suporta ang konsehal/aktor.

Ibinahagi rin ni Sylvia ang isang video ng pagpunta ng kanilang pamilya sa bahay nina Maine na tinatawag na “Casa Mendoza.”

Hindi namin agad nahulaan ang unang post ni Ibyang na naka-private plane at may caption na, “Off to a very important destination, @mainedcm @arjoatayde.” At hindi namin napansin ang mga hashtag na #casamendoza, #pamamanhikan, #AtaydeMendoza, #family, #happiness, at #thankuLORD.

Pagkaraan ay nakita pa namin ang post na kasama ni Angelica Panganiban sina Sylvia at Papa Art Atayde sa binyag ng anak niya kaya buong akala nami’y iyon ang tinutukoy ni Ibyang.

Hanggang sa makita namin ang ikalawang video post na mapapanood ang papasok sa isang kalye ng mga nakahilerang SUVs na nilagyan ni Sylvia ng caption na, “The Very Important destination (heart emoji).”

Sa parteng ito’y dialogue si Sylvia ng, “Andito lahat ng kotse ng Atayde.”

Nasa video rib si Maine habang lumalabas sa kanilang bahay at lumapit sa sinasakyan nina Arjo at ng kanyang pamilya.

Agad na pagbati ni Sylvia, “Menggay,” na pagtukoy kay Maine. “Nakarating na rin kami sa wakas. Bababa na ako at magkikita 

na tayo riyan.” 

Marami pang post ang ibinahagi si Sylvia kaya hindi pa namin mahingan ng detalye kung kailan nga ba magaganap ang kasalang Arjo-Maine. 

May nagsasabing ngayong July na magaganap ang pinakaabangang wedding ng celebrity couple subalit wala pang pag-amin kay Maine nang minsang makahuntahan namin ito.

Ang tiniyak kabg ni Maine, magiging ninong nila ni Arjo ang TVJ, o sina Tito at Vic Sotto at Joey de Leon.